انتحار طالب هندسة مصري من أعلى برج القاهرة يتصدر ترند تويتر مصر

مشاركة
انتحار طالب هندسة مصري من أعلى برج القاهرة يتصدر ترند تويتر مصر انتحار طالب هندسة مصري من أعلى برج القاهرة يتصدر ترند تويتر مصر
القاهرة_دار الحياة 01:45 ص، 02 ديسمبر 2019

تصدر موقع التواصل الإجتماعي في جمهورية مصر العربية على "تويتر" خبر انتحار طالب هندسة مصري من  أعلى برج القاهرة.

وأظهر مقطع فيديو التقطته كاميرات المراقبة في برج القاهرة K  لحظة انتحار طالب الهندسة مساء السبت بإلقاء نفسه من أعلى البرج.

وتبين من الفيديو أن الشاب غافل الجميع بمن فيهم صديقه، وألقى بنفسه من البرج ليسقط جثة هامدة غارقة في الدماء وسط صراخ وصدمة الحاضرين.

وبحسب أقوال العاملين  بالبرج، الذي يبلغ ارتفاعه 187 متراً ، أن الشاب صعد إلى الطابق الأخير برفقة صديقه، ثم فاجأ الجميع وألقى بنفسه ليسقط مضرجاً في دمائه، ويلقى مصرعه على الفور، فيما تحفظت السلطات على صديقه وقامت باستجوابه لكشف ملابسات الواقعة ومعرفة سبب الانتحار.

إلى ذلك، قررت النيابة تشريح جثة طالب الهندسة، وطالبت الأجهزة الأمنية بتكثيف جهودها لكشف غموض الواقعة.

ونستعرض في هذا التقرير عدداً من التغريدات على هاشتاغ انتحار طالب هندسة وهاشتاغ برج القاهرة ، الذي تصدر ترند تويتر مصر .

كتب حساب" علي هشام":" امبارح فيه شاب انتحر من برج القاهرة. والنهاردة بنلاقي صحف ناشرة فيديو من كاميرات المراقبة للحظة انتحار الولد، مين سرب الفيديو؟ مين وافق على نشره؟ يا شوية رعاع، يا عديمي الإنسانية والإحساس.

اما حساب" Amira Elmaghraby أميرة المغربي" فغرد على هاشتاغ خبر انتحار طالب هندسة من أعلى برج القاهرة:" إنتحار طالب كلية هندسة من أعلي برج القاهرة .. الله يرحمة و يغفر له .. تم مسح فيديو انتحاره حفاظاً علي مشاعر المتابعين".

وكتب" Jesus_RM":" ده تعليق دكتور جامعي على حادثة انتحار طالب هندسة ، انا مش مصدق الوساخة والله".

اما حساب " آلاء البحيري":" فيديو إنتحار طالب هندسه مؤذي نفسياً الولد مكنش متردد للحظه حتي   وملعون اي حاجه توصل حد لكده ربنا يرحمه ويغفرله .

وقال حساب" GoRy": شفت الفديو بتاع انتحار طالب هندسة ومعرفش اي اللي خلاني فتحته والله ومعرفش ليه الناس بتنزل حاجة زي كده! يعني أنا واحدة قلبي اتقطع عليه قسما بالله ولما التيشيرت مسك فالحديد كأنه بيديله فرصة تانية يرجع لحياته أو حتي يفكر وأهله كمان لو شاف الفديو ده وجعهم هيزيد أكتر وأكتر ربنا يرحمه"

وغرد" Resolution": شاب زي الورد طالب في هندسة حلوان إنتحر بـ إنُّه رمي نفسه من فوق بُرج القاهرة بسبب الضغوط النفسيَّة، ماتستهونوش أبداً بالضغط النفسي والـ Stress لمّا تسمع اَي حد بيشتكي منه، الضغط النفسي متعب ومميت لوحده وبيخلي ناس أوقات تختار الإنتحار للهروب منه، ومش كل الناس قُدره تحمُّلها زي بعض.

وقال" ghadaragab": للاسف التعليم فى مصر ممكن يوصلك لمرحلة الجنون طريقة تعامل الدكاتره مع الطالب طريقه مستفز بكل معنى الكلمة انك تعمل كل اللي انت تقدر عليه هو بكل بساطه متعجبهوش حاجة #برج_القاهرة #طالب_هندسه .

حساب " MohaMed sayed": فاللحظه دي حسيت بالعجز لما تبقي هتموت وتنط جوا الشاشه علشان تمسك ايده وتلحقه حقيقي انا مصدوم من ساعه ما شوفت الفيديو ، المشاكل النفسيه دي اخطر حاجه ع الانسان والله ، ربنا يرحمه يا رب #برج_القاهرة .

وقال حساب" آية الله البنا": رسايله قبل الانتحار   متستهونوش بكلام حد  الهم النفسي حقيقي اصعب من اي مرض   حسبي الله وننعم الوكيل في اي حد كان سبب انو يربي كلاكيع في حياه حد سواء مجتمع اهل اصحاب عيله اي داهيه طالما يوصلو حد للمرحله دي الله يرحمه ويسامحه يارب  #برج_القاهرة .

حساب" Abdullah Elmahy": لقطات أولية نادرة انتشرت بكثافة على مواقع التواصل، تُظهر انتحار شاب مصري من فوق #برج_القاهرة بعد مروره بأزمة نفسية حادة.

وقالت" fatma": انا ملاحظة التايم لاين كله عن الطالب اللي انتحر ي جماعة هو مات وخلاص واللي حصل حصل يعني ندعيلوا بالرحمة بدل ما بتأنبوا فيه ومتنسوش إن دعوة 40 مستجابة ما بالك كل اللي عرفه الخبر بدعوة واحدة ليه فى صلاة الفجر  #انتحار طالب هندسه .

اما حساب" خالتك امونه": #برج القاهره #انتحار طالب هندسه كفايه تشير للفيديو ياجماعه دا شئ مؤذى جدا ان مكانش لااهله هايبقى للناس اللى بتشوفه وفى ناس كتير عندهم رغبه فى الانتحار ووممكن يشفوه سهل ربنا يرحمه ويغفرله يارب اللهم ان عبدك الضعيف قد ضاقت به الحياه وتقطعت به السبل وهانت عليه نفسه فاللهم ".

وغرد حساب " Mohamed Hakim": اكيد قتل النفس من الكبائر ، بس الدولة اللي بيحصل فيها حالات الانتحار الكثير دي لازم تتدخل و بغض النظر عن انها و النظام من اهم الأسباب ، بالقمع و الظلم و الفساد اللي ماليهم.#انتحار طالب هندسه .

أما حساب" Hamdy AlNaggar": انتم الي مؤذيين، مجتمع مؤذي، شعب مؤذي، عادات مؤذية، تقاليد مؤذية، أعراف مؤذية مجتمع ماتت فيه الإبتسامة والبشاشة والكلمة الحلوة وتطييب الخاطر إلا ما رحم الله ربنا يرحمك ويعف عنك ويصبر أهلك ويربط على قلب أمك #برج القاهرة #انتحار طالب هندسة .

أخبار ذات صلة