الرئيس السيسي لأحد المواطنين: "نفسك في إيه؟"..والمواطن: "أمنية حياتي ما أدفعش إيجار في شقة"

استوقف الرئيس المصري عبدالفتاح السيسي، خلال تفقده أعمال التوسعة ورفع كفاءة الطريق الدائري من شرق القاهرة حتى منطقة الخصوص، أحد المواطنين "عامل دليفري في صيدلية"، وسأله عن أحواله فأجابه أنه لديه ثلاثة أطفال، ويعيش في شقة بالإيجار في منطقة الخصوص، قيمتها 600 جنيه.

وقال المواطن للرئيس: "أنا نفسي أطمن على معاليك.. أقسم بالله وانت بتخطب الخطبة وأنت وزير دفاع كنت باقعد أبكي بالدموع، وأنا الحمد لله بحمد ربنا".

وسأل الرئيس السيسي، عامل الدليفري عن ما ينقصه، فردّ عليه المواطن: "ما أقدرش أقول لك غير إني عايز أشوفك أحسن الناس"، ليرد الرئيس: "وأنا تحت أمرك"، فأجابه عامل الدليفري: "أنا أمنية حياتي ما أدفعش إيجار في شقة، وورشة أفتحها عشان ابني من المحلات اللي هي بتبقى تحت الكوبري دي، وأدفع إيجار زيي زي أي حد"، وأجابه الرئيس قائلًا: "إن شاء الله هنعمل لك كل حاجة حلوة، وخلي بالك من ولادك"، فرد المواطن: "ربنا يخليك وربنا يعينك علينا، ويسترك دايمًا، وربنا يحميك يا ريس".